ՀՀ ԱՆ. Ուսուցողական ֆիլմեր հղիների համար

ՀՀ առողջապահության նախարարության աշխատակազմի մայրական և վերարտադրողական առողջության պահպանման բաժնի պետ Գայանե Ավագյանը, Հայ Առաքելական եկեղեցու «Հայեցակարգային» գրասենյակի տնօրեն Բագրատ Գալստանյանը և «Վորլդ Վիժն Հայաստան» միջազգային կազմակերպության ծրագրերի տնօրեն Ժիրայր Էդիլյանն այսօր ներկայացրեցին Հայաստանում մոր և մանկան առողջության պահպանման ներկա իրավիճակը, այդ ուղղությամբ իրականացվող ծրագրերը: 

Մոր և մանկան առողջության պահպանումն առողջապահության նախարարության հիմնական գերակայություններից մեկն է: Շարունակաբար կատարելագործվող ռազմավարություններն ու ծրագրերը միտված են մոր և մանկան առողջության պահպանման ոլորտում տրամադրվող բուժօգնության որակի և մատչելիության ապահովմանը, վերահսկման և մոնիտորինգի գործընթացի բարելավմանը: Քայլեր են արվում մատուցվող ծառայությունների փաթեթի ընդլայնման, ընտանիքի առողջության բարելավման ուղղությամբ։ Ընդլայնվում են նաև կանանց և հատկապես նորածնային սկրինինգային ծրագրերը: 

«Հղիության բարեհաջող ելքը մեծապես պայմանավորված է հղիների և նրանց ընտանիքի անդամների իրազեկվածությամբ և խնամքով»,-ասաց Գայանե Ավագյանը` նշելով, որ մեզանում նախա և հետծննդյան խնամքը և հսկողությունն արդեն իսկ սահմանված են չափորոշիչներով և հաջողությամբ իրականացվում են։ Մինչդեռ անելիքներ կան նախաբեղմնավորման խնամքի և հսկողության իրականացման գործընթացում։ Սա համեմատաբար նոր ռազմավարություն է ոչ միայն մեր երկրում։ Այդ ուղղությամբ նախարարության նախաձեռնությամբ և «Վորլդ Վիժն Հայաստան» միջազգային ինչը պահանջում է հղիության ընթացքի, փոփոխությունների, հսկողության անհրաժեշտության մասին իրազեկության բարձրացում, ՀՀ առողջապահության նախարարության նախաձեռնությամբ , «Վորլդ Վիժն Հայաստան» կազմակերպության հետ ստեղծել է ուսուցողական հինգ տեսաֆիլմ հղիության նախապատրաստվողների, հղիների և մայրերի համար։ Դրանցում արտացոլված են ինչպես նախաբեղմնավորման, նախածննդյան և հետծննդյան խնամքը, այլև ծննդաբերության ընթացքը և, ընդհանրապես, առողջ ապրելակերպին վերաբերող շատ հարցեր։ 

«Մեր երկրում սա առաջին փորձն է, և հուսով ենք, որ այն մեծապես կնպաստի հղիության նորմալ ընթացքի ապահովմանը, հղիության շեղումների և բարդությունների վաղ հայտնաբերմանն ու կանխարգելմանը, ինչպես նաև հղիների և նրանց ընտանիքների ակտիվ մասնակցությանը մոր և պտղի առողջության պահպանման գործում»,-ասաց Գայանե Ավագյանը։

Մոր և մանկան առողջության պահպանման խնդիրների լուծման գործում իր զորակցությունն է հայտնում Հայ Առաքելական եկեղեցին։ Առողջապահության ոլորտում «Վորլդ Վիժնի» հիմնական աշխատանքն ուղղված է մոր և մանկան առողջության բարելավմանը` աջակցելով բնակչության գիտելիքների հարստացմանը և բուժաշխատողների և բուժհաստատություների կարողությունների հզորացմանը:

Հարցեր, պատասխաններ, մեկնաբանություններ